വിന്‍ഡീസിനെതിരെയുള്ള ഏകദിന ടീം പ്രഖ്യാപിച്ച് ഇന്ത്യ. ആദ്യ രണ്ട് ഏകദിനങ്ങള്‍ക്കുള്ള ടീമാണ് പ്രഖ്യാപിച്ചിരിക്കുന്നത്.
ഋഷഭ് പന്ത് തന്റെ ഏകദിന അരങ്ങേറ്റും നടത്തുമെന്നുള്ള സൂചനയാണ് താരം ടീമില്‍ ഇടം പിടിച്ചതില്‍ നിന്ന് മനസ്സിലാക്കുന്നത്. വിരാട് കോഹ്‍ലി വീണ്ടും ടീമിലേക്ക് ക്യാപ്റ്റനായി മടങ്ങിയെത്തുന്നുണ്ട്. ദിനേശ് കാര്‍ത്തിക്കിനു പകരമാണ് ഋഷഭ് പന്ത് ടീമിലെത്തുന്നത്. ടീമിലെ പ്രധാന കീപ്പറായി എംഎസ് ധോണി തന്നെ തുടരും.
ഏഷ്യ കപ്പിനിടെ പരിക്കേറ്റ കേധാര്‍ ജാഥവിനെയും ഹാര്‍ദ്ദിക്ക് പാണ്ഡ്യയെയും ഒഴിവാക്കിയിട്ടുണ്ട്. ജസ്പ്രീത് ബുംറയും ഭുവനേശ്വര്‍ കുമാറും ടീമിലില്ല. ശര്‍ദ്ധുല്‍ താക്കൂര്‍, ഖലീല്‍ അഹമ്മദ് എന്നിവര്‍ ഉള്‍പ്പെടുന്ന പേസ് ബൗളിംഗ് നിരയിലേക്ക് മുഹമ്മദ് ഷമി തിരികെ എത്തുന്നുണ്ട്. രവീന്ദ്ര ജഡേജയ്ക്ക് ടീമില്‍ സ്ഥാനം നിലനിര്‍ത്താനായിട്ടുണ്ട്. ഏഷ്യ കപ്പില്‍ ഒരു മത്സരത്തില്‍ മാത്രം കളിച്ച മനീഷ് പാണ്ഡേയും ടീമിലേക്ക് എത്തുന്നു.
ഇന്ത്യ: വിരാട് കോഹ്‍ലി, രോഹിത് ശര്‍മ്മ, ശിഖര്‍ ധവാന്‍, അമ്പാട്ടി റായിഡു, മനീഷ് പാണ്ഡേ, എംഎസ് ധോണി, ഋഷഭ് പന്ത്, രവീന്ദ്ര ജഡേജ, യൂസുവേന്ദ്ര ചഹാല്‍, കുല്‍ദീപ് യാദവ്, മുഹമ്മദ് ഷമി, ഖലീല്‍ അഹമ്മദ്, ശര്‍ദ്ധുല്‍ താക്കൂര്‍, കെഎല്‍ രാഹുല്‍
