ഹംഗേറിയന്‍ ഓപ്പണ്‍ ഫൈനലില്‍ കടന്ന് ഇന്ത്യയുടെ പുരുഷ ഡബിള്‍സ് ടീം

- Advertisement -

ഹംഗേറിയന്‍ ഓപ്പണ്‍ ടേബിള്‍ ടെന്നീസ് ടൂര്‍ണ്ണമെന്റിന്റെ ഫൈനലില്‍ കടന്ന് ഇന്ത്യയുടെ പുരുഷ ഡബിള്‍സ് ടീമായ സത്യന്‍ ജ്ഞാനശേഖരന്‍-ശരത് കമാല്‍ കൂട്ടുകെട്ട്. 3-2 എന്ന സ്കോറിന് ഹോങ്കോംഗിന്റെ ലോക ആറാം നമ്പര്‍ ടീമിനെ വീഴ്ത്തിയാണ് ഇന്ത്യന്‍ ടീം ഫൈനലില്‍ എത്തിയത്. സ്കോര്‍: 11-7,12-10,4-11, 4-11, 11-9 എന്ന സ്കോറിന് ആവേശകരമായ മത്സരത്തിലാണ് ഇന്ത്യന്‍ താരങ്ങളുടെ വിജയം. ഫൈനലില്‍ ജര്‍മ്മനിയുടെ പാട്രിക് ഫ്രാന്‍സിസ്ക-ബെനഡിക്ട് ഡുഡ ജോഡിയെയാണ് ഇന്ത്യന്‍ താരങ്ങള്‍ നേരിടുക.

നേരത്തെ ക്വാര്‍ട്ടറില്‍ ലോക റാഹ്കിംഗില്‍ 11ാം സ്ഥാനക്കാരായ ടീമിനെ 3-0 എന്ന സ്കോറിന് അനായാസം വീഴ്ത്തിയാണ് ടീം സെമിയിലെത്തിയത്.

Advertisement