ഹോക്കി ലോകകപ്പ് ഗ്രൂപ്പുകള്‍ക്കുള്ള ഡ്രോ തയ്യാര്‍. നാല് ഗ്രൂപ്പുകളിലായി 16 ടീമുകളാണ് ലോകകപ്പിന് മാറ്റുരയ്ക്കുന്നത്. പൂള്‍ ഡിയിൽ ഇംഗ്ലണ്ട്, സ്പെയിന്‍, വെയിൽസ് എന്നിവര്‍ക്കൊപ്പമാണ് ഇന്ത്യയുള്ളത്.
അടുത്ത വര്‍ഷം ഭുവനേശ്വറിലും റൂര്‍ക്കിലയിലുമായി ജനുവരി13 മുതൽ 29 വരെയാണ് ടൂര്‍ണ്ണമെന്റ് നടക്കുന്നത്. നിലവിലെ ചാമ്പ്യന്മാരായ ബെൽജിയം ജര്‍മ്മനിയ്ക്കൊപ്പം ഗ്രൂപ്പ് ബിയിലാണ്. ജപ്പാനും ദക്ഷിണ കൊറിയയും ഗ്രൂപ്പ് ബിയിൽ കളിക്കും.
പൂള്‍ എയിൽ ഓസ്ട്രേലിയ, അര്‍ജന്റീന, ഫ്രാന്‍സ്, ദക്ഷിണാഫ്രിക്ക എന്നിവരും ഗ്രൂപ്പ് സിയിൽ നെതര്‍ലാണ്ട്സ്, ന്യൂസിലാണ്ട്, മലേഷ്യ, ചിലി എന്നിവരും ഉള്‍പ്പെടുന്നു.
