പ്രൊകബഡി ലീഗിൽ ഇന്ന് നടന്ന ആദ്യ രണ്ട് മത്സരങ്ങളും സമനിലയിൽ അവസാനിച്ചപ്പോള്‍ മൂന്നാം മത്സരത്തൽ ജയവുമായി ഹരിയാന സ്റ്റീലേഴ്സ്. ബംഗാള്‍ വാരിയേഴ്സിനെതിരെ 41-33 എന്ന സ്കോറിനായിരുന്നു ഹരിയാനയുടെ വിജയം.
ആദ്യ പകുതിയിൽ ബംഗാളിനായിരുന്നു നേരിയ മുന്‍തൂക്കം. 13-12 എന്ന സ്കോറിനായിരുന്നു ബംഗാള്‍ മുന്നിട്ട് നിന്നത്. എന്നാൽ രണ്ടാം പകുതിയിൽ 29-20 എന്ന വ്യക്തമായ മേൽക്കൈ നേടുവാന്‍ ഹരിയാനയ്ക്ക് സാധിച്ചു.
ബംഗാളിനായി മനോജ് ഗൗഡ എട്ട് പോയിന്റും മനീന്ദര്‍ സിംഗ് 7 പോയിന്റും നേടിയപ്പോള്‍ 19 പോയിന്റുമായി മ‍ഞ്ജീത്ത് ഹരിയാനയുടെ മിന്നും താരമായി മാറി.
