ന്യൂസിലാണ്ടിനായി ഏറ്റവും അധികം ഏകദിന റണ്‍സ് നേടുന്നവരുടെ പട്ടികയില്‍ നാലാം സ്ഥാനത്തേക്കുയര്‍ന്ന് മാര്‍ട്ടിന്‍ ഗുപ്ടില്‍. ഇന്ന് ശ്രീലങ്കയ്ക്കെതിരെ 138 റണ്‍സ് നേടിയ ഗുപ്ടില്‍ തന്റെ പ്രകടനത്തിലൂടെ ന്യൂസിലാണ്ടിന്റെ മുന്‍ ക്യാപ്റ്റന്‍ ബ്രണ്ടന്‍ മക്കല്ലത്തെയാണ് മറികടന്നത്. പട്ടികയില്‍ ഒന്നാം സ്ഥാനത്ത് സ്റ്റീഫന്‍ ഫ്ലെമിംഗും രണ്ടാം സ്ഥാനത്ത് റോസ് ടെയിലറുമാണ്.
മൂന്നാം സ്ഥാനത്ത് നഥാന്‍ ആസ്ട്‍ലേ നിലകൊള്ളുന്നു. 6083 റണ്‍സ് നേടിയ ബ്രണ്ടന്‍ മക്കല്ലത്തെയാണ് ഇന്ന് ഗുപ്ടില്‍ മറികടന്നത്. 6114 റണ്‍സാണ് ഗുപ്ടിലിന്റെ നിലവിലെ സ്കോര്.
