ലോര്‍ഡ്സില്‍ ഇന്ത്യ അമ്പേ പരാജയപ്പെട്ടപ്പോള്‍ അത് കോഹ്‍ലിയുടെ നേതൃത്വത്തിലെ ആദ്യത്തെ ഇന്നിംഗ്സ് തോല്‍വി കൂടിയായി മാറി. 37 ടെസ്റ്റുകളില്‍ ഇന്ത്യയെ നയിച്ച കോഹ്‍ലിയുടെ ക്യാപ്റ്റന്‍സി കരിയറില്‍ കോഹ്‍ലി മറക്കുവാനാഗ്രഹിക്കുന്നൊരു മത്സരമാവും ലോര്‍ഡ്സ് ടെസ്റ്റ്. 2014ല്‍ ഓവലിലാണ് ഇന്ത്യ ഇതിനു മുമ്പ് ഇന്നിംഗ്സ് പരാജയം ഏറ്റുവാങ്ങുന്നത്. ഇംഗ്ലണ്ടിനോട് അന്ന് ഇന്ത്യ ഇന്നിംഗ്സിനും 244 റണ്‍സിനുമാണ് പരാജയപ്പെട്ടത്. ഇന്നലത്തെ പരാജയം ഇന്നിംഗ്സിനും 159 റണ്‍സിനുമായിരുന്നു.
തോല്‍വിയുടെ വലുപ്പത്തില്‍ ഇത് ഇന്ത്യയുടെ 11ാമത്തെ ഏറ്റവും വലിയ തോല്‍വിയാണ്.
കൂടുതൽ കായിക വാർത്തകൾക്ക് : www.facebook.com/FanportOfficial
