മെൽബൺ ടീമുകളായ മെൽബൺ സ്റ്റാർസും മെൽബൺ റെനഗേഡ്സും ഏറ്റുമുട്ടിയ ബിഗ് ബാഷ് മത്സരത്തിൽ റെനഗേഡ്സിന് വിജയം. ഇന്ന് ആദ്യം ബാറ്റു ചെയ്ത മെൽബൺ സ്റ്റാർസിനെ 126ൽ ഒതുക്കാൻ റെനഗേഡ്സിന് ആയിരുന്നു. 29 പന്തിൽ 41 റൺസ് എടുത്ത കാർട്റൈറ്റ് മാത്രമാണ് സ്റ്റാർസിനായി തിളങ്ങിയത്. റിച്ചാർഡ്സൺ, ടോപ്ലി, മാഡിൻസൺ എന്നിവർ റെനഗേഡ്സിനായി മൂന്ന് വിക്കറ്റുകൾ വീഴ്ത്തി.
രണ്ടാമത് ബാറ്റു ചെയ്ത റെനഗേഡ്സ് 18 ഓവർ കൊണ്ട് വിജയ ലക്ഷ്യം മറികടന്നു. ഓപ്പണർ ഫിഞ്ച് 40 പന്തിൽ 50 റൺസുമായി ടോപ് സ്കോറർ ആയി. 21 റൺസുമായി മാർഷും തിളങ്ങി. ഈ ജയത്തോടെ റെനഗേഡ്സിന് 8 മത്സരങ്ങളിൽ നിന്ന് 11 പോയിന്റുകൾ ആയി.
