ഐ പി എല്ലിൽ ഓസ്ട്രേലിയൻ താരം ജോഷ് ഫിലിപ്പ് കളിക്കില്ല. വ്യക്തിപരമായാ കാരണങ്ങളാൽ തനിക്ക് ഐ പി എല്ലിൽ കളിക്കാൻ ആകില്ല എന്ന് ജോഷ് തന്റെ ക്ലബായ ആർ സി ബിയെ അറിയിക്കുകയായിരുന്നു. ജോഷ് ഫിലിപ്പിന് പകരം മറ്റൊരു മികച്ച യുവ ബാറ്റ്സ്മാനെ ആർ സി ബി ടീമിൽ എത്തിച്ചു. ന്യൂസിലൻഡ് വിക്കറ്റ് കീപ്പർ ബാറ്റ്സ്മാൻ ഫിൻ അലൻ ആണ് ആർസി ബിയിൽ എത്തുക.
ഫിൻ അലന്റെ വരവ് ആർ സി ബി ഔദ്യോഗികമായി പ്രഖ്യാപിച്ചു കഴിഞ്ഞു. സൂപ്പർ സ്മാഷ് ടി20യിലെ പ്രകടനമാണ് ഫിൻ അലനെ ആർ സി ബി സ്വന്തമാക്കാൻ കാരണം. അവിടെ വെല്ലിങ്ടണ് വേണ്ടി ഗംഭീര പ്രകടനം അലൻ കാഴ്ചവെച്ചിരുന്നു. 11 ഇന്നിങ്സിൽ നിന്ന് 512 റൺസാണ് താരം അടിച്ചത്. 21കാരന്റെ സ്ട്രൈക്ക് റൈറ്റ് 190നു മുകളിൽ ആയിരുന്നു.
