പാക്കിസ്ഥാന്റെ വെടിക്കെട്ട് ഓപ്പണിംഗ് താരം ഫകര്‍ സമന്‍ ക്രിക്കറ്റ് ലോകം കണ്ട് സ്ഫോടനാത്മക ബാറ്റിംഗിനു പേരുകേട്ട മൂന്ന് താരങ്ങളെ പോലെ ക്രിക്കറ്റ് കളിക്കുന്നത് കാണാനാണ് തന്റെ ആഗ്രഹമെന്ന് പറഞ്ഞ് പാക് നായകന്‍ സര്‍ഫ്രാസ് അഹമ്മദ്. വിരേന്ദര്‍ സേവാഗ്, ഡേവിഡ് വാര്‍ണര്‍,ഷാഹിദ് അഫ്രീദി എന്നിവര്‍ കളിച്ചത് പോലെ ഫകര്‍ സമന്‍ കളിക്കുന്നത് കാണാനാണ് തങ്ങളുടെ ആഗ്രഹം.
സ്വതസിദ്ധമായ ശൈലിയില്‍ ഫകര്‍ കളിക്കുക എന്നതാണ് ടീമിന്റെ ആവശ്യം. ക്രീസില്‍ ചെലവഴിക്കും തോറും ഫകര്‍ എതിരാളികള്‍ ഭയപ്പെടുന്ന താരമാണ്. ഓരോ ദിവസവും താരത്തിന്റെ കളി മെച്ചപ്പെട്ട് വരുന്നുണ്ട് എന്നതും വളരെ മികച്ച സൂചനയാണെന്നും സര്‍ഫ്രാസ് പറഞ്ഞു.
