പാക്കിസ്ഥാനെതിരെ വനിത ടി20 ലോകകപ്പിൽ കൂറ്റന്‍ ജയം നേടി ഇംഗ്ലണ്ട്. നേരത്തെ തന്നെ സെമി ഉറപ്പാക്കിയ ഇംഗ്ലണ്ട് ഇന്ന് ആദ്യം ബാറ്റ് ചെയ്ത് 213/5 എന്ന സ്കോറാണ് നേടിയത്. 40 പന്തിൽ പുറത്താകാതെ 81 റൺസ് നേടിയ നാറ്റ് സ്കിവര്‍-ബ്രണ്ടും 33 പന്തിൽ 59 റൺസ് നേടിയ ഡാനിയേൽ വയട്ടിനുമൊപ്പം 31 പന്തിൽ 47 റൺസ് നേടി ആമി ജോൺസും ഇംഗ്ലണ്ടിനായി ബാറ്റിംഗിൽ തിളങ്ങി.
മറുപടി ബാറ്റിംഗിനിറങ്ങിയ പാക്കിസ്ഥാന്റെ ഇന്നിംഗ്സ് 99/9 എന്ന നിലയിൽ അവസാനിച്ചപ്പോള്‍ 114 റൺസിനാണ് ഇംഗ്ലണ്ട് വിജയം കുറിച്ചത്. എട്ടാമതായി ഇറങ്ങിയ ടൂബ ഹസ്സന്‍ ആണ് പാക്കിസ്ഥാന്റെ ടോപ് സ്കോറര്‍. താരം 28 റൺസ് നേടി.
ഇംഗ്ലണ്ടിനായി കാത്റിന്‍ ബ്രണ്ടും ചാര്‍ലട്ട് ഡീനും രണ്ട് വീതം വിക്കറ്റ് നേടി.
