അയാക്സിന്റെ ക്യാപ്റ്റനായ ഡി ലിറ്റിനെ സ്വന്തമാക്കാനുള്ള ബാഴ്സലോണ ശ്രമങ്ങൾക്ക് തിരിച്ചടി ലഭിക്കുന്നു. കളിക്കാൻ അവസരം കിട്ടും എന്ന് ഉറപ്പില്ലാത്തതിനാൽ ബാഴ്സലോണയുടെ ഓഫർ ഡി ലിറ്റ് നിരസിച്ചതായി സ്പാനിഷ് മാധ്യമങ്ങൾ റിപ്പോർട്ട് ചെയ്യുന്നു. യുവ സെന്റർ ബാക്കിനായി വളരെക്കാലമായി ശ്രമിക്കുന്ന ക്ലബാണ് ബാഴ്സലോണ. എന്നാൽ ആദ്യ ഇലവനിൽ സ്ഥാനം ഉറപ്പ് നൽകാത്തത് ആണ് ഡിലിറ്റ് ബാഴ്സലോണയുടെ ഓഫറുകൾ സ്വീകരിക്കാതിരിക്കാൻ കാരണം.
ബാഴ്സലോണ പിറകിലായതോടെ യുവന്റസ്, പി എസ് ജി, ബയേൺ എന്നീ ക്ലബുകൾക്ക് പ്രതീക്ഷയായി. ഈ മൂന്ന് ക്ലബുകളാണ് ഡി ലിറ്റിനായി രംഗത്തുള്ളത്. പി എസ് ജിയാണ് ഇവരിൽ ഏറ്റവു വലിയ ഓഫർ മുന്നിൽ വെക്കുന്നത്. പി എസ് ജിയുടെ ഡിഫൻസ് മോശമായതിനാൽ ഡി ലിറ്റ് നേരെ ആദ്യ ഇലവനിൽ എത്തുകയും ചെയ്യും.
