ബംഗ്ലാദേശ് മുഖ്യ കോച്ച് റസ്സൽ ഡൊമിംഗോയുടെ ഭാവിയെക്കുറിച്ച് ജനുവരിയിൽ തീരുമാനം എടുക്കുമെന്ന് അറിയിച്ച് ബംഗ്ലാദേശ് ക്രിക്കറ്റ് ബോര്‍ഡ്. ഫാക്ട്-ഫൈന്‍ഡിംഗ് കമ്മിറ്റിയുടെ റിപ്പോര്‍ട്ടിന്റെ അടിസ്ഥാനത്തിലാവും ഈ തീരുമാനം.
ഡൊമിംഗോയുടെ കരാര്‍ ഒക്ടോബറിൽ ബംഗ്ലാദേശ് ബോര്‍ഡ് ദീര്‍ഘിപ്പിച്ചുവെങ്കിലും ടി20 ലോകകപ്പിലെ മോശം പ്രകടനം അദ്ദേഹത്തിന് തിരിച്ചടിയാകുമെന്നാണ് വിലയിരുത്തപ്പെടുന്നത്. സൂപ്പര്‍ 12 ൽ ഒരു മത്സരം പോലും വിജയിക്കാനാകാതെ അഞ്ച് മത്സരങ്ങളും പരാജയപ്പെട്ടാണ് ഡൊമിംഗോയുടെ പരിശീലനത്തിലുള്ള ബംഗ്ലാദേശ് മടങ്ങിയത്.
