ഐപിഎലില് ഫ്രാഞ്ചൈസികളുടെ താല്പര്യം പിടിച്ചുപറ്റാതെ ദക്ഷിണാഫ്രിക്കയുടെ സീനിയര് പേസര്മാര്. ആദ്യ റൗണ്ടില് ഇരുവര്ക്കും വേണ്ടി ആരും ലേലത്തില് പങ്കെടുത്തില്ല. മോണെ മോര്ക്കല് തന്റെ അന്താരാഷ്ട്ര കരിയര് അവസാനിപ്പിച്ച് ലീഗുകളില് സജീവമായി നില്ക്കുമ്പോള് ഏറെ കാലത്തെ പരിക്കുനു ശേഷം സ്റ്റെയിന് വീണ്ടും കളത്തിലേക്ക് വന്നിട്ടേയുള്ളു.
ലേലത്തിന്റെ ബാക്കി ഘട്ടത്തില് ഇവരെ ഏതെങ്കിലും ടീമുകള് എടുക്കുവാന് താല്പര്യപ്പെടുമോ എന്നതാവും ഇനി ഏവരും ഉറ്റുനോക്കുക. ഇരു താരങ്ങള്ക്കും 1.50 കോടിയാണ് അടിസ്ഥാന വില നിശ്ചയിക്കപ്പെട്ടിരുന്നത്.