കോമൺവെൽത്ത് ഗെയിംസിൽ വനിതകളുടെ ബാഡ്മിന്റൺ സിംഗിൾസിൽ സെമിഫൈനലിലേക്ക് മുന്നേറി ഇന്ത്യയുടെ പി.വി സിന്ധു. മലേഷ്യയുടെ ജിൻ വെ ഗോയിനോട് ആദ്യ സെറ്റ് നഷ്ടമായ ശേഷമാണ് ഇന്ത്യയുടെ സ്വർണ മെഡൽ പ്രതീക്ഷയായ സിന്ധു ജയം കണ്ടത്.
കടുത്ത പോരാട്ടം കണ്ട ആദ്യ സെറ്റ് 21-19 നു നഷ്ടമായതോടെ സമ്മർദ്ദം സിന്ധുവിൽ ആയി. എന്നാൽ രണ്ടാം സെറ്റിൽ സിന്ധുവിന്റെ ആധിപത്യം ആണ് കണ്ടത് സെറ്റ് 21-14 നു ഇന്ത്യൻ താരം കരസ്ഥമാക്കി. നല്ല പോരാട്ടം കണ്ടെങ്കിലും മൂന്നാം സെറ്റ് 21-18 നു നേടിയ സിന്ധു സെമിഫൈനൽ ഉറപ്പിക്കുക ആയിരുന്നു. ഒരു മണിക്കൂർ 17 മിനിറ്റ് നീണ്ടു നിന്നു മത്സരം. സെമിയിൽ സിംഗപ്പൂർ താരം യോ ജിയ മിനിനെ ആണ് സിന്ധു നേരിടുക.
