മോയിന്‍ അലിയുടെ ആത്മകഥയിലെ പരാമര്‍ശത്തില്‍ അന്വേഷണത്തിനു ഉത്തരവിട്ട് ക്രിക്കറ്റ് ഓസ്ട്രേലിയ. 2015 ആഷസ് പരമ്പരയ്ക്കിടെ തനിക്കെതിരെ ഒരു ഓസ്ട്രേലിയന്‍ ക്രിക്കറ്റ് താരം വംശീയ അധിക്ഷേപം നടത്തിയെന്നാണ് തന്റെ ആത്മകഥയില്‍ മോയിന്‍ അലി പരാമര്‍ശിക്കുന്നത്. തന്നെ ഒസാമ ബിന്‍ ലാദന്‍ എന്ന് താരം വിളിച്ചുവെന്നാണ് മോയിന്‍ അലി പറഞ്ഞത്.
ഇക്കാര്യം അതീവ ഗൗരവത്തോടെയാണ് കണക്കാക്കുന്നതെന്നും ഇത്തരം പ്രവൃത്തികള്‍ രാജ്യത്തെ പ്രതിനിധാനം ചെയ്യുന്നവരില്‍ നിന്നുണ്ടാകുവാന്‍ പാടില്ലെന്ന് വ്യക്തമാക്കിയ ക്രിക്കറ്റ് ഓസ്ട്രേലിയ വക്താവ് ഇതിന്മേല്‍ അന്വേഷണം ഉണ്ടാകുമെന്ന് അറിയിച്ചു. അന്ന് ഇത് ഓസ്ട്രേലിയന്‍ കോച്ച് ഡാരെന്‍ ലീമാന്‍ ചോദിച്ചപ്പോള്‍ പ്രസ്തുത താരം കാര്യം നിഷേധിക്കുകയായിരുന്നു.
