കോൺഫറൻസ് ലീഗ് പ്ലേ ഓഫിൽ വിജയവുമായി ചെൽസി. സ്റ്റാംഫോ ബ്രിഡ്ജിൽ നടന്ന ആദ്യ പാദ മത്സരത്തിൽ സ്വിറ്റ്സർലാന്റ് ടീമായ സെർവറ്റെയെ എതിരില്ലാത്ത രണ്ടു ഗോളുകൾക്കാണ് ചെൽസി പരാജയപ്പെടുത്തിയത്. പരിശീലകൻ മരെസ്കയുടെ കീഴിലെ ചെൽസിയുടെ ആദ്യ വിജയമാണിത്. പ്രീമിയർ ലീഗിൽ അവർ ആദ്യ മത്സരത്തിൽ പരാജയപ്പെട്ടിരുന്നു.
ആദ്യ പകുതിയിൽ ഇന്ന് ഗോൾ ഒന്നും പിറന്നില്ല. രണ്ടാം പകുതിയുടെ തുടക്കത്തിൽ ചെൽസി എങ്കുകുവിലൂടെ ലീഡ് എടുത്തു. പെനാൾട്ടി ലക്ഷ്യത്തിൽ എത്തിച്ചാണ് എങ്കുകു തന്റെ സീസണിലെ ആദ്യ ഗോൾ നേടിയത്.
🤝 @NoniMadueke_ giving us that two-goal cushion. 😁#CFC | #UECL pic.twitter.com/dfqG1oJaUi
— Chelsea FC (@ChelseaFC) August 22, 2024
77ആം മിനുട്ടിൽ നോനി മദുവേക കൂടെ ഗോൾ നേടിയതോടെ ചെൽസി വിജയം ഉറപ്പിച്ചു. ഇനി അടുത്ത ആഴ്ച സ്വിറ്റ്സർലാന്റിൽ രണ്ടാം പാദ മത്സരം നടക്കും.
