ഇന്ത്യയുടെ കൂറ്റന്‍ സ്കോറായ 622/7 പിന്തുടര്‍ന്ന ഓസ്ട്രേലിയ ഫോളോ ഓണ്‍ ഭീഷണിയില്‍. മികച്ച തുടക്കം മുതലാക്കാനാകാതെ പോയത് ടീമിനു തിരിച്ചടിയാകുകയായിരുന്നു. മാര്‍ക്കസ് ഹാരിസ് 79 റണ്‍സുമായി ടോപ് സ്കോറര്‍ ആയപ്പോള്‍ മാര്‍നസ് ലാബുഷാനെ(38), ഉസ്മാന്‍ ഖവാജ(27) എന്നിവര്‍ നിലയുറപ്പിച്ച ശേഷം കീഴടങ്ങുകയായിരുന്നു.
വീണ ആറ് വിക്കറ്റില്‍ അഞ്ചും വീഴ്ത്തിയത് സ്പിന്നര്‍മാരാണ്. കുല്‍ദീപ് യാദവ് മൂന്ന് വിക്കറ്റ് നേടിയപ്പോള്‍ രവീന്ദ്ര ജഡേജ രണ്ട് വിക്കറ്റ് സ്വന്തമാക്കി. 73 ഓവറുകള്‍ പിന്നിടുമ്പോള്‍ ഓസ്ട്രേലിയ 208/6 എന്ന നിലയിലാണ്. ലാബുഷാനെയുടെ വിക്കറ്റ് വീഴ്ത്തിയത് മുഹമ്മദ് ഷമിയാണ്. 414 റണ്‍സ് പിന്നിലായി നില്‍ക്കുന്ന ഓസ്ട്രേലിയയ്ക്കായി പീറ്റര്‍ ഹാന്‍ഡ്സ്കോമ്പ്(22*), പാറ്റ് കമ്മിന്‍സ്(9*) എന്നിവരാണ് ക്രീസില്‍ നില്‍ക്കുന്നത്.
