പാക്കിസ്ഥാനെതിരെയുള്ള നാണക്കേടുകള്‍ക്ക് ശേഷം ദക്ഷിണാഫ്രിക്കയോടെ തകര്‍ന്ന് ഓസ്ട്രേലിയ. ഇന്ന് ആദ്യ ഏകദിനത്തില്‍ ആദ്യം ബാറ്റ് ചെയ്ത ഓസ്ട്രേലിയ 152 റണ്‍സിനു ഓള്‍ഔട്ട് ആവുകയായിരുന്നു. 38.1 ഓവറിലാണ് ഓസ്ട്രേലിയ പുറത്തായത്. 34 റണ്‍സുമായി നഥാന്‍ കോള്‍ട്ടര്‍-നൈല്‍ ആണ് ഓസ്ട്രേലിയയുടെ ടോപ് സ്കോറര്‍ ആയത്. 33 റണ്‍സ് നേടിയ അലക്സ് കാറെയെയും ഒഴിച്ച് നിര്‍ത്തിയാല്‍ ഓസീസ് നിരയില്‍ ആര്‍ക്കും 20 റണ്‍സിനു മുകളില്‍ നേടാനായില്ല.
ദക്ഷിണാഫ്രിക്കയ്ക്കായി ആന്‍ഡിലെ ഫെഹ്ലുക്വായോ മൂന്നും ഡെയില്‍ സ്റ്റെയിന്‍ , ലുംഗിസാനി ഗിഡി, ഇമ്രാന്‍ താഹിര്‍ എന്നിവര്‍ രണ്ട് വീതം വിക്കറ്റും നേടി. ലഞ്ച് ബ്രേക്കിനായി ടീമുകള്‍ പിരിയുമ്പോള്‍ ദക്ഷിണാഫ്രിക്ക 5 ഓവറില്‍ 28 റണ്‍സ് നേടിയിട്ടുണ്ട്. ക്വിന്റണ്‍ ഡിക്കോക്ക്(19*), റീസ ഹെന്‍ഡ്രിക്സ്(3*) എന്നിവരാണ് ക്രീസില്‍ നില്‍ക്കുന്നത്.
