ആഴ്സണൽ മധ്യനിരയിൽ ഒരു പുതിയ വിയേര. അവർ പോർച്ചുഗീസ് യുവതാരം ഫാബിയോ വിയേരയെ സ്വന്തമാക്കി. അറ്റാക്കിംഗ് മിഡ്ഫീൽഡർ ആയ ഫാബിയോ വിയേരയെ സൈൻ ചെയ്തതായി ക്ലബ് ഔദ്യോഗികമായി അറിയിച്ചു. 22കാരനായ 2027വരെയുള്ള കരാറിൽ ഒപ്പുവെച്ചു.
Bem-vindo, Fabio ❤️
— Arsenal (@Arsenal) June 21, 2022
35 മില്യൺ യൂറോയും ഒപ്പം ആഡ് ഓണുമായി 50 മില്യണോളം ട്രാൻസ്ഫർ തുകയായി ആഴ്സണൽ പോർട്ടോയ്ക്ക് നൽകും. 2021-22 സീസണിൽ പോർച്ചുഗീസ് ക്ലബ്ബിനായി 22-കാരൻ 39 മത്സരങ്ങൾ കളിച്ചു. ഏഴ് ഗോളുകളും 16 അസിസ്റ്റുകളും അവിടെ സംഭാവന ചെയ്തു. പോർട്ടോയിലെ യൂത്ത് സിസ്റ്റത്തിലൂടെ വന്ന വിയേരക്ക് വലിയ ഭാവി ആണ് പ്രവചിക്കപ്പെടുന്നത്.
