ഇന്ത്യൻ സൂപ്പർ ലീഗിൽ ഫൈനലിനു മുമ്പ് മോഹൻ ബഗാന് തിരിച്ചടി. അവരുടെ പ്രധാന താരമായ അർമാന്ദോ സദികുവിനെ മോഹൻ ബഗാന് ഫൈനലിൽ നഷ്ടമാകും. അദ്ദേഹത്തെ എഐ എഫ് എഫ് അച്ചടക്ക കമ്മിറ്റി 4 മത്സരങ്ങളിലേക്ക് വിലക്കി. സെമി ഫൈനലിന്റെ ആദ്യ പാദത്തിൽ കിട്ടിയ ചുവപ്പ് കാർഡ് ആണ് 4 മത്സരത്തിലെ വിലക്കിന് കാരണമായത്.
ഈ സീസണിൽ സദികു 22 മത്സരങ്ങൾ ഐ എസ് എല്ലിൽ കളിച്ചിട്ടുണ്ട്. 8 ഗോളുകളും 1 അസിസ്റ്റും നൽകി മോഹൻ ബഗാന്റെ വിജയങ്ങളിൽ സദികു നിർണായക പങ്കുവഹിച്ചിരുന്നു. ഫൈനലിൽ സദികുവിന്റെ അഭാവം ബഗാന് വലിയ തിരിച്ചടിയാകും.
