ഐഒസി ബോക്സിംഗ് ടാസ്ക് ഫോഴ്സിന്റെ ഏറ്റവും പുതിയ റാങ്കിംഗില് ലോക ഒന്നാം നമ്പര് താരമായി ഇന്ത്യയുടെ അമിത് പംഗല്. 52 കിലോ വിഭാഗത്തിലാണ് അമിത് പംഗല് ഈ നേട്ടം കൈവരിക്കുന്നത്. 2009ല് ഒന്നാം സ്ഥാനം കൈയ്യടക്കിയ വിജേന്ദര് സിംഗിന് ശേഷം ഇതാദ്യമായാണ് ഒരു ഇന്ത്യന് താരം ലോക റാങ്കിംഗില് ഇത്തരം നേട്ടം കൈവരിക്കുന്നത്.
വിജേന്ദറിന്റെ അന്നത്തെ നേട്ടം 75 കിലോ വിഭാഗത്തില് ആയിരുന്നു.
