ഫോര്‍മുല വണ്‍ റേസില്‍ നിന്ന് റിട്ടയര്‍മെന്റ് പ്രഖ്യാപിച്ച് ഫെര്‍ണാണ്ടോ അലോന്‍സോ. ഈ സീസണ്‍ അവസാനത്തോടെ താന്‍ ഫോര്‍മുല വണ്‍ റേസ് കരിയര്‍ അവസാനിപ്പിക്കുകയാണെന്ന് ഫെര്‍ണാണ്ടോ അലോന്‍സോ പ്രഖ്യാപിക്കുകയായിരുന്നു. മക്ലാരന്റെ സ്പാനിഷ് താരം 2001ല്‍ ഓസ്ട്രേലിയന്‍ ഗ്രാന്‍ഡ് പ്രീയിലാണ് അരങ്ങേറ്റം കുറിച്ചത്. തന്റെ 17ാം സീസണില്‍ പങ്കെടുക്കുന്ന അലോന്‍സോ 2005, 2006 ചാമ്പ്യന്‍ഷിപ്പുകള്‍ റെനോള്‍ട്ടിനു വേണ്ടി വിജയിക്കുകയും ചെയ്തിരുന്നു.
ചില മാസങ്ങള്‍ക്ക് മുമ്പ് തന്നെ താന്‍ ഈ തീരുമാനമെടുത്തിരുന്നുവെന്നും ഈ സീസണിലെ ബാക്കി റേസുകളില്‍ ഇതുവരെ പ്രകടിപ്പിച്ച അതേ ആവേശത്തോടെ ശേഷിക്കുന്ന മത്സരങ്ങളിലും പങ്കെടുക്കുമെന്ന് അലോന്‍സോ അറിയിച്ചു.
കൂടുതൽ കായിക വാർത്തകൾക്ക് : www.facebook.com/FanportOfficial
