അജയ് സിംഗിന് മെഡൽ തലനാരിഴയ്ക്ക് നഷ്ടം

Ajaysingh

വെയിറ്റ് ലിഫ്റ്റിംഗിൽ പുരുഷന്മാരുടെ 81 കിലോ വിഭാഗത്തിൽ ഇന്ത്യയുടെ അജയ് സിംഗിന് തലനാരിഴയ്ക്ക് വെങ്കല മെഡൽ നഷ്ടം. താരം സ്നാച്ചിൽ 143 കിലോയും ക്ലീന്‍ & ജെര്‍ക്കിൽ 176 കിലോയും നേടി 319 കിലോ ആകെ സ്വന്തമാക്കിയെങ്കിലും 320 കിലോയുമായി കാനഡയുടെ നിക്കോളസ് വച്ചോൺ വെങ്കല മെഡൽ നേടി.

തന്റെ മൂന്നാം ശ്രമത്തിൽ അജയ് 180 കിലോ ഉയര്‍ത്തുവാന്‍ നോക്കി പരാജയപ്പെട്ടിരുന്നു. ഇതാണ് താരത്തിന് തിരിച്ചടിയായത്. ഇംഗ്ലണ്ടിന്റെ ക്രിസ് മുറേ സ്വര്‍ണ്ണവും ഓസ്ട്രേലിയയുടെ കൈൽ ബ്രൂസ് വെള്ളി മെഡലും നേടി.