ഏഷ്യന് ഗെയിംസിൽ ഷൂട്ടിംഗിലെ ഇന്ത്യയുടെ മികവാര്ന്ന പ്രകടനം തുടരുന്നു. വനിതകളുടെ 25m പിസ്റ്റള് ടീം ഇനത്തിൽ ഇന്ത്യ സ്വര്ണ്ണം നേടുകയായിരുന്നു. മനു ഭാക്കര്, ഇഷ സിംഗ്, റിഥം സാംഗ്വാന് എന്നിവരാണ് സ്വര്ണ്ണ നേട്ടം കൊയ്തത്.
25m പിസ്റ്റള് വ്യക്തിഗത ഇനത്തിലേക്ക് ഈ മൂന്ന് പേരും യോഗ്യത നേടിയെന്നാണ് ഇപ്പോള് ലഭിയ്ക്കുന്ന വിവരം. പൊതുവേ ഒരു രാജ്യത്ത് നിന്ന് രണ്ട് പേരെയാണ് ഏഷ്യന് ഗെയിംസ് ഷൂട്ടിംഗ് ഇനങ്ങളിൽ ഫൈനലിലേയ്ക്ക് അവസരം നൽകുന്നതെങ്കിലും ഏഷ്യന് ഗെയിംസ് വെബ് സൈറ്റിൽ മൂവരും യോഗ്യത നേടിയതായാണ് കാണിക്കുന്നത്.
1756 പോയിന്റ് നേടിയ ചൈനയെ പിന്തള്ളി ഇന്ത്യയുടെ മൂവര് സംഘം 1759 പോയിന്റ് നേടിയാണ് സ്വര്ണ്ണം കരസ്ഥമാക്കിയത്.
