പരമ്പര നഷ്ടമായെങ്കിലും മൂന്നാമത്തെയും അവസാനത്തെയും ഏകദിനത്തില് ഭേദപ്പെട്ട പ്രകടനവുമായി സിംബാബ്വേ. ആദ്യ രണ്ട് മത്സരങ്ങളിലും തകര്ന്നടിഞ്ഞ ബാറ്റിംഗ് ഇതാദ്യമായി 200നു മുകളിലുള്ള സ്കോറും പരമ്പരയില് നേടി. ഷോണ് വില്യംസ്(69), ബ്രണ്ടന് ടെയിലര്(40) എന്നിവര്ക്കൊപ്പം ഡൊണാള്ഡി ടിരിപാനോ(29), ഹാമിള്ട്ടണ് മസകഡ്സ(28) എന്നിവരായിരുന്നു സിംബാബ്വേയുടെ പ്രധാന സ്കോറര്മാര്.
49.3 ഓവറില് 223 റണ്സിനു സിംബാബ്വേ ഓള്ഔട്ട് ആവുകയായിരുന്നു. ദക്ഷിണാഫ്രിക്കയ്ക്കായി ഡെയില് സ്റ്റെയിന്, കാഗിസോ റബാഡ എന്നിവര് മൂന്ന് വിക്കറ്റും ഇമ്രാന് താഹിര്, ആന്ഡിലെ ഫെഹ്ലുക്വായോ എന്നിവര് രണ്ട് വീതം വിക്കറ്റും നേടി.
