2019 ഏകദിന ലോകകപ്പിലെ നായകന്മാര്‍ ഇംഗ്ലണ്ടിന്റെ എലിസബത്ത് രാജ്ഞിയെ സന്ദര്‍ശിക്കുവാനായി ബക്കിംഗ്ഹാം കൊട്ടാരത്തില്‍ എത്തി. ലോകകപ്പ് നാളെ ആരംഭിയ്ക്കുവാനിരിക്കെയാണ് ഇന്ന് ഇംഗ്ലണ്ടിലെ ഉച്ച സമയത്ത് കൊട്ടാരത്തിലെ പത്ത് ടീമുകളുടെയും നായകന്മാര്‍ എത്തിയത്. ഇന്നലെയാണ് ലോകകപ്പിനു മുന്നോടിയായുള്ള സന്നാഹ മത്സരങ്ങള്‍ അവസാനിച്ചത്.
നാളെ ടൂര്‍ണ്ണമെന്റിന്റെ ഉദ്ഘാടന മത്സരത്തില്‍ ആതിഥേയരായ ഇംഗ്ലണ്ട് ദക്ഷിണാഫ്രിക്കയെ നേരിടും. ഈ പത്ത് രാജ്യങ്ങളില്‍ 9 ാജ്യങ്ങളും കോമണ്‍വെല്‍ത്ത് രാജ്യങ്ങളാണ്. എലിസബത്ത് രാജ്ഞിയോടൊപ്പം സസ്സെക്സിന്റെ ഡ്യൂക്കും ചടങ്ങില്‍ സന്നിഹതനായിരുന്നു.
