ന്യൂസിലൻഡ് സ്റ്റാർ ഫാസ്റ്റ് ബൗളർ ടിം സൗത്തി നാളെ ഇന്ത്യക്ക് എതിരെ കളിക്കും. സൗത്തി ഫിറ്റ്നസ് വീണ്ടെടുത്തത് ആയി ന്യൂസിലൻഡ് ക്യാപ്റ്റൻ ടോം ലാഥം സ്ഥിരീകരിച്ചു. ലോകകപ്പിന് മുന്നോടിയായുള്ള ഇംഗ്ലണ്ടിനെതിരായ ഏകദിന പരമ്പരയ്ക്കിടെ ആയിരുന്നു സൗത്തിയുടെ കൈവിരലിന് പരിക്കേറ്റത്. സൗത്തി ലോകകപ്പ് ടൂർണമെന്റിലെ ആദ്യ നാല് മത്സരങ്ങളിലും കളിച്ചിരുന്നില്ല.
ആദ്യ നാലു മത്സരങ്ങളും വിജയിച്ച ന്യൂസിലൻഡ് സൗത്തി ജൂടെ എത്തുന്നതോടെ അതിശക്തരാകും. സൗത്തി തിരിച്ചെത്തും എങ്കിലും കൈവിരലിന് പരിക്കേറ്റ കെയ്ൻ വില്യംസൺ നാളെയും കളിക്കില്ല. വില്യംസൺ ടൂർണമെന്റ് അവസാനിക്കും മുമ്പ് തിരിച്ചുവരുമെന്ന് ടീമിന് പ്രതീക്ഷയുണ്ട് എന്ന് ലാഥം പറഞ്ഞു.
