ബംഗ്ലാദേശിന്റെ ചാമ്പ്യന്‍ ഓള്‍റൗണ്ടറും ഏറ്റവും മികച്ച ഫോമിലുള്ള താരവുമായ ഷാക്കിബ് അല്‍ ഹസനും പരിക്കിന്റെ പിടിയിലെന്ന് സൂചന. ഇന്നലെ ശ്രീലങ്കയ്ക്കെതിരെയുള്ള മത്സരത്തില്‍ താരം കളിച്ചേക്കില്ലെന്നുള്ള വാര്‍ത്ത പുറത്ത് വന്നിരുന്നുവെങ്കിലും മത്സരം ടോസ് പോലും നടക്കാതെ മഴ മൂലം ഉപേക്ഷിക്കപ്പെടുകയായിരുന്നു. താരത്തിനു ഇംഗ്ലണ്ടിനെതിരെ ബാറ്റിംഗിനിടെയാണ് ഇടത് തുടയില്‍ പരിക്കേറ്റത്.
താരത്തിനു സ്കാനുകള്‍ എല്ലാം ചെയ്തുവെങ്കിലും എത്ര ദിവസം കളത്തിനു പുറത്തിരിക്കണമെന്നതിനെക്കുറിച്ച് ഒരു വ്യക്ത വരുത്തുവാന്‍ ടീമിനു കഴിഞ്ഞിരുന്നില്ല. ശ്രീലങ്കയ്ക്കെതിരെ 50-50 സാധ്യതയാണ് ഷാക്കിബ് പങ്കെടുക്കുവാനുള്ളതെന്നാണ് ബംഗ്ലാദേശ് സെലക്ടര്‍ പറഞ്ഞത്. ഇതു വരെ ടൂര്‍ണ്ണമെന്രില്‍ രണ്ട് അര്‍ദ്ധ ശതകങ്ങളും ഒരു ശതകവും നേടിയ താരം ഇനിയുള്ള മത്സരങ്ങളില്‍ കളിയ്ക്കുന്നില്ലെങ്കില്‍ ബംഗ്ലാദേശിന് അത് ഏറ്റവും വലിയ തിരിച്ചടിയായി മാറും.
