നമീബിയയ്ക്കെതിരെ 160/5 എന്ന മികച്ച സ്കോര്‍ നേടി അഫ്ഗാനിസ്ഥാന്‍. ടോപ് ഓര്‍ഡറിൽ മികച്ച തുടക്കം ഹസ്രത്തുള്ള സാസായിയും(33) മുഹമ്മദ് ഷഹ്സാദും(45) നടത്തിയപ്പോള്‍ ടീം 6.4 ഓവറിൽ 53 റൺസാണ് ഒന്നാം വിക്കറ്റിൽ നേടിയത്.
റഹ്മാനുള്ള ഗുര്‍ബാസിനെയും ഷഹ്സാദിനെയും നഷ്ടമായി 89/3 എന്ന നിലയിലായിരുന്ന അഫ്ഗാനിസ്ഥാനെ അസ്ഗര്‍ അഫ്ഗാന്‍(31), മുഹമ്മദ് നബി(32*) എന്നിവരുടെ തകര്‍പ്പന്‍ ബാറ്റിംഗ് പ്രകടനമാണ് 160/5 എന്ന സ്കോറിലേക്ക് നയിച്ചത്.
റൂബന്‍ ട്രംപെൽമാനും ലോഫ്ടി-ഈറ്റണും രണ്ട് വീതം വിക്കറ്റാണ് നമീബിയയ്ക്ക് വേണ്ടി നേടിയത്.
