ലോകകപ്പ് ആവേശം നാടെങ്ങും ഉയരുന്നു. ഫുട്ബോൾ ലോകകപ്പിന് പിന്നാലെ ക്രിക്കറ്റ് ലോകകപ്പും എത്തുകയാണ്. ഇത്തവണ ഇംഗ്ലണ്ടിലാണ് ക്രിക്കറ്റ് ലോകകപ്പ് നടക്കുന്നത്. ഇന്ത്യൻ ക്രിക്കറ്റ് ആരാധകർ ഐപിഎൽ മാമാങ്കം ആഘോഷിക്കുന്നതിനു പിന്നാലെയാണ് ഏപ്രിൽ 15 നു ലോകകപ്പിനായുള്ള ഇന്ത്യൻ ടീമിനെ പ്രഖ്യാപിക്കും എന്ന വിവരം പുറത്ത് വരുന്നത്.
ലോകകപ്പിനായുള്ള ഇന്ത്യൻ ടീമിനെ പ്രഖ്യാപിക്കുന്നത് ഏപ്രിൽ 15 നു വൈകിട്ട് 3.30 ന് തത്സമയം ഇന്ത്യൻ ആരാധകർക്കായി സംപ്രേക്ഷണം ചെയ്യും. ക്രിക്കറ്റ് ആരാധകർക്കായി സ്റ്റാർ സ്പോർട്സാണ് തത്സമയം ടീം പ്രഖ്യാപനം സംപ്രേക്ഷണം ചെയ്യുന്നത്. ടീം പ്രഖ്യാപനത്തിനു പിന്നാലെ വിദഗ്ധ പാനലിനെ ഉൾപ്പെടുത്തിയുള്ള ടീം അനാലിസിസും ഉണ്ടാകും. ഐപിഎൽ ആരവത്തിനു പിന്നാലെ ലോകകപ്പും എത്തിയ ആഹ്ലദത്തിലാണ് ക്രിക്കറ്റ് ആരാധകർ.
