കിരീടം സ്വന്തമാക്കൊയില്ല എങ്കിലും ഇന്ത്യ ഈ ലോകകപ്പിൽ നടത്തിയ പ്രകടനത്തെ പ്രശംസിച്ച് ഷഹീൻ അഫ്രീദി. ഇന്നലെ ഫൈനലിന് ശേഷം ഇൻസ്റ്റഗ്രാം സ്റ്റോറിയിലൂടെ ആണ് ഷഹീൻ അഫ്രീദി പ്രതികരിച്ചത്. കിരീടം നേടിയ ഓസ്ട്രേലിയയെ അദ്ദേഹം അഭിനന്ദിച്ചു.
“ലോകകപ്പ് കിരീടം നേടിയതിന് ഓസ്ട്രേലിയക്ക് നിരവധി അഭിനന്ദനങ്ങൾ. തീർച്ചയായും ഇന്നത്തെ മികച്ച ടീം നിങ്ങൾ ആയിരുന്നു. ഇന്ത്യയുടെ നിർഭാഗ്യം. പക്ഷേ ടൂർണമെന്റിലുടനീളം ഇന്ത്യം ടീം മികച്ച രീതിയിൽ കളിച്ചു.” ഷഹീൻ ഇൻസ്റ്റഗ്രാമിൽ കുറിച്ചു.
ലോകകപ്പിൽ സെമി ഫൈനൽ കാണാതെ പാകിസ്താൻ പുറത്തായിരുന്നു. അതോടെ ബാബർ അസം ക്യാപ്റ്റൻസി രാജിവെക്കുകയും ചെയ്തിരുന്നു. ഇപ്പോൾ പാകിസ്താന്റെ ടി20 ക്യാപ്റ്റൻ ആണ് ഷഹീൻ അഫ്രീദി.
