നവംബർ 15 ന് നടക്കുന്ന ലോകകപ്പ് സെമിയിൽ ന്യൂസിലൻഡിനെ നേരിടുമ്പോൾ ഇന്ത്യൻ ടീം സമ്മർദ്ദത്തിൽ ആയിരിക്കും എന്ന് മുൻ ന്യൂസിലൻഡ് ബാറ്റർ റോസ് ടെയ്ലർ. 2019ലെ ലോകകപ്പിൽ ന്യൂസിലൻഡ് ആയിരുന്നു ഇന്ത്യയെ തോൽപ്പിച്ചത്.
“നാല് വർഷം മുമ്പ്, ടൂർണമെന്റിലെ ഏറ്റവും ഫോമിലുള്ള ടീമായി ഇന്ത്യ മാഞ്ചസ്റ്ററിൽ സെമിഫൈനലിൽ പ്രവേശിച്ചു, അതേസമയം ഞങ്ങൾ നെറ്റ് റൺറേറ്റിൽ ശ്രദ്ധിക്കുകയായിരുന്നു.” ടെയ്ലർ പറഞ്ഞു.
“ഇത്തവണ, ഇന്ത്യ അന്നത്തേക്കാൽ വലിയ ഫേവറിറ്റുകളാണ്, അതും ഹോം ഗ്രൗണ്ടിൽ. ഞങ്ങൾക്ക് നഷ്ടപ്പെടാൻ ഒന്നുമില്ലാത്തപ്പോൾ, ന്യൂസിലൻഡ് ടീമുകൾ അപകടകാരികളാകും. ഇന്ത്യയെ പരിഭ്രാന്തരാക്കുന്ന ഒരു ടീമുണ്ടെങ്കിൽ, അത് ഈ ന്യൂസിലൻഡ് ടീമായിരിക്കും.” ടെയ്ലർ പറഞ്ഞു.
