ലോകകപ്പിനുള്ള പാകിസ്ഥാൻ ടീമിൽ ഇടം ലഭിക്കാതിരുന്നതിനെ തുടർന്ന് വ്യത്യസ്ത പ്രതിഷേധവുമായി പാകിസ്ഥാൻ താരം ജുനൈദ് ഖാൻ രംഗത്ത്. തന്റെ വായ കറുത്ത ടേപ്പ്കൊണ്ട് ഒട്ടിച്ച ഫോട്ടോ സോഷ്യൽ മീഡിയയിൽ പോസ്റ്റ് ചെയ്താണ് താരം ലോകകപ്പ് ടീമിൽ ഉൾപെടുത്തതിന്റെ പ്രധിഷേധം അറിയിച്ചത്. ഒന്നും പറയാൻ ഇല്ലെന്നും സത്യം ഇപ്പോഴും കയ്പേറിയതാണെന്നും പറഞ്ഞാണ് ജുനൈദ് ഖാൻ സോഷ്യൽ മീഡിയയിൽ ഫോട്ടോ പോസ്റ്റ് ചെയ്തത്. തുടർന്ന് താരം സോഷ്യൽ മീഡിയ പോസ്റ്റ് ഡിലീറ്റ് ചെയ്യുകയും ചെയ്തിരുന്നു .
പാകിസ്ഥാൻ നേരത്തെ പ്രഖ്യാപിച്ച സാധ്യത പട്ടികയിൽ ജുനൈദ് ഖാൻ ഉൾപ്പെട്ടിരുന്നു. 2017ൽ പാകിസ്ഥാൻ ചാമ്പ്യൻസ് ലീഗ് കിരീടം നേടിയപ്പോൾ ടൂർണമെന്റിൽ 8 വിക്കറ്റ് വീഴ്ത്തി ജുനൈദ് ഖാൻ മികച്ച ഫോമിലായിരുന്നു. ഈ അടുത്തിടെ നടന്ന ഇംഗ്ലണ്ടിനെതിരെയുള്ള പരമ്പരയിൽ മികച്ച പ്രകടനം പുറത്തെടുക്കാൻ ജുനൈദ് ഖാന് കഴിഞ്ഞിരുന്നില്ല. രണ്ട് മത്സരങ്ങൾ കളിച്ച ജുനൈദ് ഖാൻ വെറും 2 വിക്കറ്റ് മാത്രമാണ് വീഴ്ത്തിയത്. കഴിഞ്ഞ ദിവസമാണ് മുഖ്യ സെലക്ടർ ഇൻസമാമുൽ ഹഖ് ലോകകപ്പിനുള്ള പാകിസ്ഥാൻ ടീമിനെ പ്രഖ്യാപിച്ചത്.
