വിന്‍ഡീസിനു പേസര്‍മാര്‍ പ്രത്യേകിച്ച് ഷെല്‍ഡണ്‍ കോട്രെല്‍ നല്‍കിയത് സ്വപ്ന തുല്യ തുടക്കമെന്ന് പറഞ്ഞ് വിന്‍ഡീസ് നായകന്‍ ജേസണ്‍ ഹോള്‍ഡര്‍. ഇത്തരം സാഹചര്യങ്ങളില്‍ ഇതുപോലെയുള്ള തുടക്കം നേടുക എന്നത് ഏറെ പ്രാധാന്യമായിരുന്നു. തന്റെ ബൗളര്‍മാര്‍ ന്യൂ ബോളില്‍ എപ്പോളും വിക്കറ്റുകള്‍ നേടി തരുന്നുണ്ടെന്നും ആദ്യ പത്തോവറില്‍ റണ്‍സ് വഴങ്ങിയാലും ടീമിനു വിക്കറ്റ് ലഭിയ്ക്കുമെങ്കില്‍ അത് വലിയൊരു പ്രശ്നമായി തോന്നുന്നില്ലെന്നും ഹോള്‍ഡര്‍ പറഞ്ഞു.
ഇന്ന് തന്റെ ടീം മികച്ച സ്ഥിതിയിലായിരുന്നുെങ്കിലും കാലാവസ്ഥയ്ക്ക് മേല്‍ ഞങ്ങള്‍ക്കാര്‍ക്കും നിയന്ത്രണമില്ലെന്ന് വിന്‍ഡീസ് നായകന്‍ പറഞ്ഞു. ഇന്ന് മുഴുവന്‍ കളി നടന്നേക്കുമെന്നാണ് തങ്ങള്‍ വിചാരിച്ചിരുന്നതെങ്കിലും അതുണ്ടായില്ല, എന്നാല്‍ വരും ദിവസങ്ങളില്‍ മുഴുവന്‍ ഓവറുകള്‍ കളിയ്ക്കുവാന്‍ അവസരമുണ്ടാകുമെന്നും അന്ന് തങ്ങള്‍ മികച്ച പ്രകടനം പുറത്തെടുക്കുമെന്നുമാണ് പ്രതീക്ഷയെന്ന് ജേസണ്‍ ഹോള്‍ഡര്‍ വ്യക്തമാക്കി.
