ഇന്ത്യയുടെ 350 റണ്‍സെന്ന പ്രതീക്ഷകളെ തടഞ്ഞ് പാക്കിസ്ഥാന്റെ മുഹമ്മദ് അമീര്‍. ശതകം നേടിയ രോഹിത് ശര്‍മ്മയുടെയും അര്‍ദ്ധ ശതകങ്ങള്‍ നേടിയ വിരാട് കോഹ്‍ലി, കെഎല്‍ രാഹുല്‍ എന്നിവരുടെ പ്രകടനങ്ങളുടെ ബലത്തില്‍ ഇന്ത്യ 350നു മുകളിലേക്കുള്ള സ്കോറിലേക്ക് നീങ്ങുമെന്നാണ് കരുതിയതെങ്കിലും ഇന്നിംഗ്സിന്റെ അവസാനത്തോടെ മഴയും മുഹമ്മദ് അമീറും. 50 ഓവറില്‍ നിന്ന് 336 റണ്‍സാണ് ഇന്ത്യ അഞ്ച് വിക്കറ്റ് നഷ്ടത്തില്‍ നേടിയത്.
മുഹമ്മദ് അമീറിന്റെ സ്പെല്ലാണ് അടികൊണ്ട് മടുത്ത പാക് ബൗളിംഗ് നിരയിലെ ഏക ആശ്വാസം. മൂന്ന് വിക്കറ്റുകള്‍ വീഴ്ത്തിയ താരം പത്തോവറില്‍ നിന്ന് 47 റണ്‍സാണ് വിട്ട് നല്‍കിയത്. രോഹിത് ശര്‍മ്മ 140 റണ്‍സ് നേടി പുറത്തായപ്പോള്‍ വിരാട് കോഹ്‍ലി 77 റണ്‍സ് നേടി ഇടവേളയ്ക്ക് ശേഷം പുറത്തായി. ലോകേഷ് രാഹുല്‍ 57 റണ്‍സാണ് നേടിയത്.
