ഇംഗ്ലണ്ട് പേസ് ബൗളര്‍ മാര്‍ക്ക് വുഡ് ലോകകപ്പില്‍ കളിയ്ക്കുവാന്‍ ആരോഗ്യവാനെന്ന് വെളിപ്പെടുത്തി ടീം മാനേജ്മെന്റ്. താരം ഓസ്ട്രേലിയയ്ക്കെതിരെയുള്ള മത്സരത്തിനിടെയാണ് പരിക്കേറ്റ് പുറത്ത് പോയത്. പിന്നീട് മത്സരത്തില്‍ താരം ഭാഗമായിരുന്നില്ല. എന്നാല്‍ കഴിഞ്ഞ ദിവസം നടത്തിയ സ്കാനിംഗില്‍ താരത്തിനു കാര്യമായ പ്രശ്നമൊന്നുമില്ലെന്ന് കണ്ടെത്തുകയായിരുന്നു. ദക്ഷിണാഫ്രിക്കയ്ക്കെതിരെ മേയ് 30ന് നടക്കുന്ന ഇംഗ്ലണ്ടിന്റെ ഉദ്ഘാടന മത്സരത്തില്‍ താരം കളിയ്ക്കുവാന്‍ യോഗ്യനാണെന്നാണ് ഇപ്പോള്‍ അറിയുവാന്‍ കഴിയുന്നത്.
ഇന്ന് നടക്കുന്ന അഫ്ഗാനിസ്ഥാനെതിരെയുള്ള മത്സരത്തിനു മുമ്പ് താരം നെറ്റ്സില്‍ പന്തെറിഞ്ഞിരുന്നു. ഇംഗ്ലണ്ട് ഉപ പരിശീലകന്‍ ക്രിസ് സില്‍വര്‍വുഡ് ആണ് താരത്തിന്റെ നിലവിലെ കാര്യങ്ങള്‍ അവലോകനം ചെയ്തത്.
