2018 സെപ്റ്റംബറില്‍ മലിംഗ അന്താരാഷ്ട്ര ക്രിക്കറ്റില്‍ മടങ്ങിയെത്തിയ ശേഷം ടീമിനൊപ്പം മലിംഗ് ഇത് നേടുന്നത് ആദ്യ വിജയം. 2017ലായിരുന്നു മലിംഗയുടെ അവസാനത്തെ ഏകദിന വിജയം. 21 ഏകദിനങ്ങള്‍ക്ക് ശേഷമാണ് മലിംഗ ഇന്നലെ അഫ്ഗാനിസ്ഥാനെതിരെയുള്ള വിജയത്തില്‍ ശ്രീലങ്കന്‍ ടീമിന്റെ ഭാഗമായത്. മത്സരത്തില്‍ മൂന്ന് വിക്കറ്റുകള്‍ നേടി മലിംഗ ശ്രദ്ധേയമായ പ്രകടനമാണ് പുറത്തെടുത്തത്.
സിംബാബ്‍വേയ്ക്കതിരെ ജൂലൈ 6 2017ല്‍ ആയിരുന്നു മലിംഗയുടെ അവസാന ഏകദിന വിജയം. 697 ദിവസങ്ങള്‍ക്ക് ശേഷമാണ് മലിംഗ വീണ്ടും ഒരു അന്താരാഷ്ട്ര വിജയം നേടുന്നത്. ഇതിനിടെ താരം കുറേ നാള്‍ ടീമില്‍ നിന്ന് പുറത്തുമായിരുന്നു.
