പതിനൊന്നായിരം ഏകദിന റണ്‍സ് വേഗത്തില്‍ കടക്കുന്ന താരമെന്ന ബഹുമതി സ്വന്തമാക്കി ഇന്ത്യന്‍ നായകന്‍ വിരാട് കോഹ്‍ലി. സച്ചിന്‍ ടെണ്ടുല്‍ക്കര്‍ 276 ഇന്നിംഗ്സുകളില്‍ നേടിയ റെക്കോര്‍ഡാണ് 222 ഇന്നിംഗ്സില്‍ നിന്ന് വിരാട് കോഹ്‍ലി നേടിയത്. ഇന്ന് തന്റെ വ്യക്തിഗത സ്കോര്‍ 57 റണ്‍സ് മറികടന്നപ്പോളാണ് ഈ നേട്ടം കോഹ്‍ലി സ്വന്തമാക്കിയത്.
പട്ടികയിലെ മൂന്നാമത്തെ ഇന്ത്യന്‍ താരമാണ് കോഹ്‍ലി. സച്ചിന്‍ ടെണ്ടുല്‍ക്കറും സൗരവ് ഗാംഗുലിയുമാണ് ഈ പട്ടികയിലെ മറ്റു രണ്ട് ഇന്ത്യക്കാര്‍. കുമാര്‍ സംഗക്കാര, റിക്കി പോണ്ടിംഗ്, സനത് ജയസൂര്യ, മഹേല ജയവര്‍ദ്ധനേ, ഇന്‍സമാം ഉള്‍ ഹക്ക്, ജാക്ക്വസ് കാല്ലിസ് എന്നിവരാണ് ഈ നേട്ടം കൈവരിച്ചിട്ടുള്ള മറ്റു താരങ്ങള്‍.
