ബാബർ അസം കോഹ്ലിയെ പോലെ ക്യാപ്റ്റൻ സ്ഥാനം രാജിവച്ച് തന്റെ ബാറ്റിംഗ് മെച്ചപ്പെടുത്താൻ ശ്രദ്ധിക്കണം എന്ന് മുൻ പാകിസ്ഥാൻ ബാറ്റർ ബാസിത് അലി. “ഒരു വർഷം മുമ്പ് ഞാൻ എന്റെ ചാനലിൽ പറഞ്ഞിരുന്നു, ബാബർ അസം വളരെ മികച്ച ബാറ്ററാണെന്ന്. വിരാട് കോഹ്ലിയെ പോലെ അദ്ദേഹം ക്യാപ്റ്റൻ സ്ഥാനം ഒഴിയണം. വിരാട് പടിയിറങ്ങി അവന്റെ പ്രകടനങ്ങൾ നോക്കൂ. ബാബറിന്റെ പ്രകടനവും കൂടുതൽ മെച്ചപ്പെടും, ഉറപ്പാണ്,” ബാസിത് അലി പറഞ്ഞു.
“എന്നാൽ, നമുക്കെല്ലാവർക്കും അറിയാവുന്നതുപോലെ, സോഷ്യൽ മീഡിയയിൽ ചില ആളുകൾ എന്റെ വാക്കുകൾ വളച്ചൊടിച്ചു, എനിക്ക് ബാബർ അസമിനെ ഇഷ്ടമല്ല, ഞാൻ ഒരു രാജ്യദ്രോഹിയാണ് എന്ന് അവർ പറഞ്ഞു” അദ്ദേഹം കൂട്ടിച്ചേർത്തു. ബാബർ അസം ക്യാപ്റ്റൻ സ്ഥാനം ഒഴിയണം എന്ന് നിരവധി വിമർശനങ്ങൾ പാകിസ്താൻ നിന്ന് ഉയരുന്നുണ്ട്.
