ട്രെന്റ് ബോള്ട്ടിനും മാറ്റ് ഹെന്റിയ്ക്കും മുന്നില് കീഴടങ്ങാതെ പിടിച്ച് നിന്ന അഫ്ഗാനിസ്ഥാനെ എറിഞ്ഞ് പിടിച്ച് ജെയിംസ് നീഷം. ഓപ്പണര്മാര് നല്കിയ മികച്ച തുടക്കത്തിന്റെ ബലത്തില് 66 റണ്സിലേക്ക് മുന്നേറിയ അഫ്ഗാനിസ്ഥാന് പിന്നീട് 70/4 എന്ന നിലയിലേക്ക് വീഴുകയായിരുന്നു. ഹസ്രത്തുള്ള സാസായിയും നൂര് അലി സദ്രാനും ചേര്ന്ന് മികച്ച തുടക്കമാണ് അഫ്ഗാനിസ്ഥാന് നല്കിയത്.
28 പന്തില് നിന്ന് 34 റണ്സുമായി സാസായിയാണ് നീഷം ആദ്യം പുറത്താക്കിയത്. രണ്ട് പന്തുകള്ക്ക് ശേഷം ലോക്കി ഫെര്ഗൂസണ് രണ്ടാമത്തെ ഓപ്പണര് നൂര് അലി സദ്രാനെയും പുറത്താക്കി. തന്റെ അടുത്ത ഓവറുകളിലായി നീഷം റഹ്മത് ഷായെയും ഗുല്ബാദിന് നൈബിനെയും മടക്കിയതോടെ അഫ്ഗാനിസ്ഥാന്റെ നില പരുങ്ങലിലായി.
