ഇംഗ്ലണ്ടിൽ നടക്കുന്ന ലോകകപ്പിൽ വിരാട് കോഹ്‌ലി നയിക്കുന്ന ഇന്ത്യൻ ടീം കിരീടം നേടുമെന്ന് പ്രവചിച്ച് ഗൂഗിൾ സി.ഇ.ഒ സുന്ദർ പിച്ചൈ. ഫൈനലിൽ ഇന്ത്യയും ഇംഗ്ലണ്ടും തമ്മിൽ ഏറ്റുമുട്ടുമെന്നും അതിൽ ഇന്ത്യ വിജയികളാവുമെന്നും സുന്ദർ പിച്ചൈ പറഞ്ഞു.
താൻ ഒരു കടുത്ത ക്രിക്കറ്റ് ആരാധകൻ ആണെന്നും ഇന്ത്യൻ വംശജൻ കൂടിയായ സുന്ദർ പിച്ചൈ പറഞ്ഞു. ഇന്ത്യക്കും ഇംഗ്ലണ്ടിനും പുറമെ ഓസ്ട്രേലിയയും ന്യൂസിലാൻഡും മികച്ച ടീമുകളാണെന്നും ഗൂഗിൾ സി.ഇ.ഒ പറഞ്ഞു. വാഷിങ്ടണിൽ നടന്ന ഇന്ത്യ ഐഡിയസ് സമ്മിറ്റിന് കിടക്കാന് സുന്ദർ പിച്ചൈ ലോകകപ്പ് ജേതാക്കൾ ഇന്ത്യവുമെന്ന് പ്രവചിച്ചത്.
താൻ ബേസ്ബോൾ കളിയ്ക്കാൻ ശ്രമിച്ചുവെന്നും എന്നാൽ അത് ക്രിക്കറ്റിനേക്കാൾ ബുദ്ധിമുട്ടേറിയതാണെന്നും സുന്ദർ പിച്ചൈ പറഞ്ഞു. ആദ്യ രണ്ടു മത്സരങ്ങളിൽ മികച്ച വിജയം നേടിയ ഇന്ത്യയുടെ ന്യൂസിലാൻഡിനെതിരായ മൂന്നാമത്തെ മത്സരം മഴ മൂലം നടന്നിരുന്നില്ല.
