അഹമ്മദാബാദിൽ ഇന്നലെ ഇന്ത്യയോട് ഏഴ് വിക്കറ്റ് തോൽവി ഏറ്റുവാങ്ങിയ പാകിസ്താനെ രൂക്ഷമായി വിമർശിച്ച് റമീസ് രാജ. “ഈ പരാജയം പാകിസ്ഥാനെ വേദനിപ്പിക്കും, കാരണം അവർക്ക് ഇന്ത്യക്ക് ഒപ്പം പൊരുതാൻ പോലും കഴിഞ്ഞില്ല,” ഐസിസി റിവ്യൂ പോഡ്‌കാസ്റ്റിന്റെ ഏറ്റവും പുതിയ എപ്പിസോഡിൽ റമീസ് പറഞ്ഞു.
“നിങ്ങൾ ഇന്ത്യയ്‌ക്കെതിരെ കളിക്കുമ്പോൾ, അതു ഇന്ത്യയിൽ 99 ശതമാനം ഇന്ത്യൻ ആരാധകർക്ക് മുന്നിൽ കളിക്കുമ്പോൾനിങ്ങൾ അതിശയിച്ചുപോകുന്നു. ഞാൻ അതെല്ലാം മനസ്സിലാക്കുന്നു. എന്നാൽ നാലോ അഞ്ചോ വർഷമായി ബാബർ അസം ഈ ടീമിനെ നയിച്ചു, അതിനാൽ നിങ്ങൾ ഈ അവസരത്തിനൊത്ത് ഉയരണം.” റമിസ് പറയുന്നു.
“നിങ്ങൾക്ക് വിജയിക്കാൻ കഴിയുന്നില്ലെങ്കിൽ, കുറഞ്ഞത് പോരാടുക. പാകിസ്ഥാന് അത് ചെയ്യാൻ കഴിഞ്ഞില്ല.” റമീസ് രാജ പറഞ്ഞു.
