ഓസ്ട്രേലിയയ്ക്കെതിരായ ഐസിസി പുരുഷ ക്രിക്കറ്റ് ലോകകപ്പ് ഫൈനലിന് മുന്നോടിയായി ഇന്ത്യക്ക് ആശംസകൾ നേർന്ന് ഓൾറൗണ്ടർ ഹാർദിക് പാണ്ഡ്യ. ഇന്ത്യ ഞായറാഴ്ച അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ഓസ്ട്രേലിയയെ നേരിടാനൊരുങ്ങുകയാണ്. ടൂർണമെന്റിന്റെ തുടക്കത്തിൽ ഇന്ത്യക്ക് ഒപ്പം ഉണ്ടായിരുന്ന ഹാർദിക് ഇപ്പോൾ പരിക്കേറ്റ് ടീമിൽ നിന്ന് പുറത്താണ്.
“ഈ ടീമിനെക്കുറിച്ച് എനിക്ക് വളരെ അഭിമാനം തോന്നുന്നു. ഞങ്ങൾ ഇതുവരെ ചെയ്തതെല്ലാം ഞങ്ങളുടെ കുറെ വർഷങ്ങളുടെ കഠിനാധ്വാനത്തിന്റെ ഫലം ആണ്. ചെറുപ്പം മുതലേ ഞങ്ങൾ സ്വപ്നം കണ്ടിരുന്ന കാര്യത്തിന് അടുത്താണ് നമ്മൾ. ഒരു സ്പെഷ്യൽ കാര്യം ചെയ്യുന്നതിൽ നിന്ന് ഒരു പടി അകലെയാണ്,” പാണ്ഡ്യ പറഞ്ഞു.
“കപ്പ് ഉയർത്തുന്നത് നമുക്ക് വേണ്ടി മാത്രമല്ല, നമ്മുടെ പിന്നിലുള്ള ബില്യണോളം വരുന്ന ആളുകൾക്കു കൂടി വേണ്ടിയാണ്. എന്റെ സ്നേഹൻ പൂർണ്ണഹൃദയവ്യ്ം എപ്പോഴും നിങ്ങളോടൊപ്പമുണ്ട്. ഇനി നമുക്ക് കപ്പ് കൊണ്ടുവരാം. ജയ് ഹിന്ദ്,” പാണ്ഡ്യ കൂട്ടിച്ചേർത്തു.
