താന്‍ പുറത്തായത് തന്റെ ഭാഗത്ത് നിന്നുള്ള പിഴവ് മൂലമാണെന്നും അത്തരത്തില്‍ പുറത്തായതില്‍ നിരാശയുണ്ടെന്നും പറഞ്ഞ് രോഹിത് ശര്‍മ്മ. ഫീല്‍ഡ് സെറ്റ് ചെയ്തതിനെ അവലോകനം ചെയ്തതില്‍ തനിക്ക് പറ്റിയ പിഴവാണ് അതിനു കാരണമെന്നും രോഹിത് പറഞ്ഞു. സെറ്റായ ഒരു ബാറ്റ്സ്മാന്‍ എപ്പോളും വലിയ സ്കോര്‍ നേടുകയെന്ന ആഗ്രഹത്തോടെയാവും ബാറ്റ് ചെയ്യുകയെന്നും രോഹിത് ശര്‍മ്മ പറഞ്ഞു.
രണ്ടാം വിക്കറ്റ് കൂട്ടുകെട്ടിന്റെ ബലത്തില്‍ മത്സരത്തില്‍ വന്‍ ആധിപത്യം പുലര്‍ത്തുകയായിരുന്നു ടീമിന്റെ ലക്ഷ്യമെന്നും എന്നാല്‍ താന്‍ ഔട്ട് ആയത് തെറ്റായ സമയത്തായിരുന്നുവെന്നും രോഹിത് പറഞ്ഞു. താന്‍ ഒരിക്കലും ഇരട്ട ശതകത്തെക്കുറിച്ച് ചിന്തിച്ചില്ലെന്നും മികച്ച ബാറ്റിംഗ് വിക്കറ്റായതിനാല്‍ ബാറ്റിംഗ് തുടരണെന്ന ആഗ്രഹം മാത്രമേയുള്ളായിരുന്നുവെന്നും രോഹിത് പറഞ്ഞു.
ലോകേഷ് രാഹുലിന്റെ ഇന്നിംഗ്സും എടുത്ത് പറയേണ്ടതാണെന്നും ഓപ്പണിംഗിലേക്ക് വന്നയുടനെ മികച്ചൊരു ഇന്നിംഗ്സാണ് താരം പുറത്തെടുത്തതെന്നും രോഹിത് പറഞ്ഞു. രാഹുല്‍ സമയം എടുത്താണ് തന്റെ ഇന്നിംഗ്സ് പടുത്തുയര്‍ത്തിയതെന്നും അത് ഇന്ത്യയുടെ ഭാഗത്ത് നിന്നുള്ള നിര്‍ണ്ണായക നീക്കമായിരുന്നുവെന്നും എന്നാല്‍ താരം ഔട്ട് ആയതും പ്രതീക്ഷിക്കാത്ത സമയത്താണെന്നും രോഹിത് പറഞ്ഞു. പാക്കിസ്ഥാന്റെ ഓപ്പണിംഗ് സ്പെല്‍ എല്ലായ്പ്പോഴും ദുഷ്കരമായ കാര്യമാണെന്നും അതിനെ അതിജീവിക്കുക പ്രയാസകരമാണെന്നും തങ്ങള്‍ക്ക് അറിയാമെന്നും രോഹിത് ശര്‍മ്മ പറഞ്ഞു.
