ഇന്ത്യയും ന്യൂസിലൻഡും തമ്മിൽ നടക്കുന്ന ലോകകപ്പ് മത്സരം മോശം കാലാവസ്ഥ കാരണം നിർത്തിവെച്ചു. ധരംശാലയിൽ നടക്കുന്ന മത്സരം മൂടൽമഞ്ഞ് കാരണമാണ് നിർത്തിവെച്ചിരിക്കുന്നത്. മഞ്ഞ് ഗ്രൗണ്ടിലേക്ക് ഇറങ്ങിയതോടെ വിസിബിലിറ്റി കുറഞ്ഞു. ഇതോടെ കളി തുടരാൻ പറ്റാത്ത സാഹചര്യമായി. ഇരുപതു മിനുട്ടോളം കളി തടസ്സപ്പെട്ടു. ഈ കാലാവസ്ഥ മാറിയതോടെ കളി പുനരാരംഭിക്കാൻ തീരുമാനിച്ചു.
കളി നിർത്തിവെക്കുമ്പോൾ ഇന്ത്യ 15.4 ഓവറിൽ 100/2 എന്ന മികച്ച നിലയിൽ ആയിരുന്നു. 9 പന്തിൽ നിന്ന് 21 റൺസ് എടുത്ത് ശ്രേയസ് അയ്യറും 7 റൺസുമായി വിരാട് കോഹ്ലിയുമായി ക്രീസിൽ ഉള്ളത്. ഇന്ത്യക്ക് ജയിക്കാൻ ഇനി 174 റൺസ് കൂടെ വേണം.
46 റൺസ് എടുത്ത രോഹിത് ശർമ്മയെയും 26 റൺസ് എടുത്ത ശുഭ്മൻ ഗില്ലിനെയും ആണ് ഇന്ത്യക്ക് നഷ്ടമായത്. ഇരുവരെയും ഫെർഗൂസൺ ആണ് പുറത്താക്കിയത്.
