ഈ ലോകകപ്പിൽ ഇന്ത്യ പേസ് അറ്റാക്കി ശക്തമാക്കണം എന്ന് മുൻ ഇന്ത്യൻ പേസർ സഹീർ ഖാൻ ഇന്ത്യൻ ആദ്യ ഇലവനിൽ മുഹമ്മദ് ഷമി, മുഹമ്മദ് സിറാജ്, ജസ്പ്രീത് ബുംറ എന്നിവർ ഒരുമിച്ച് കളിക്കണമെന്ന് താൻ ആഗ്രഹിക്കുന്നുവെന്ന് അദ്ദേഹം പറഞ്ഞു.
“നിങ്ങൾക്ക് എതിരാളികളെ ആക്രമിക്കണം എങ്കിൽ ഷമിയും ബുംറയും സിറാജും ഒരുമിച്ച് കളിക്കണം. വളരെ ശക്തമായ ബൗളിംഗ് ആയി അത് മാറും. കളി നിയന്ത്രിക്കാനും വിക്കറ്റുകൾ എടുക്കാനും, ഈ ആക്രമണം ഉണ്ടായിരിക്കണം,” ഇന്ത്യ ടുഡേയ്ക്ക് നൽകിയ അഭിമുഖത്തിൽ സഹീർ പറഞ്ഞു. ഇന്ത്യ ബാറ്റിംഗിന് മാത്രം മുൻതൂക്കം കൊടുത്ത് ഒരൊറ്റ നിലപാടിൽ നിൽക്കരുത് എന്നും സഹീർ പറഞ്ഞു.
ബുമ്ര പരിക്ക് ആയി പുറത്ത് ഇരുന്നപ്പോൾ ആ അവസരം നന്നായി ഉപയോഗിച്ച സിറാജിനെ സഹീർ അഭിനന്ദിച്ചു. “ബുംറ കുറച്ചുകാലമായി ടീമിൽ ഉണ്ടായിരുന്നില്ല, സിറാജ് രണ്ട് കൈകളും നീട്ടി ഈ അവസരം മുതലെടുത്തു, അത് കാണാൻ വളരെ സന്തോഷമുണ്ട്. ഒരുപാട് നല്ല പ്രകടനങ്ങൾ അദ്ദേഹം സൃഷ്ടിച്ചു, മാത്രമല്ല അവൻ കൂടുതൽ മെച്ചപ്പെടുകയും ചെയ്യുന്നു,” സഹീർ പറഞ്ഞു.
