മികച്ച തുടക്കത്തിനു ശേഷം ഞങ്ങളില്‍ ചില ബാറ്റ്സ്മാന്മാര്‍ വിക്കറ്റുകള്‍ വലിച്ചെറിഞ്ഞതിനുള്ള വിലയാണ് ഇന്ന് അഫ്ഗാനിസ്ഥാന്‍ നല്‍കിയതെന്ന് പറ‍ഞ്ഞ് നായകന്‍ ഗുല്‍ബാദിന്‍ നൈബ്. മികച്ച തുടക്കമാണ് ടീമിനു ലഭിച്ചത്. ഹസ്രത്തുള്ള സാസായിയും നൂര്‍ അലി സദ്രാനും മികച്ച് നിന്നപ്പോള്‍ പുറകെ വന്നവരില്‍ ഹസ്മത്തുള്ള ഷഹീദി മാത്രമാണ് തിളങ്ങിയതെന്നും നൈബ് പറഞ്ഞു. താരത്തിനു പിന്തുണ നല്‍കുവാന്‍ ആരുമില്ലാതെ വന്നപ്പോള്‍ മികച്ച സ്കോറിലേക്ക് ടീമിനു എത്തുവാനും സാധിച്ചില്ല.
ബൗളര്‍മാര്‍ മികച്ച രീതിയില്‍ തുടങ്ങിയെങ്കിലും വിക്കറ്റ് ഫാസ്റ്റ് ബൗളര്‍മാര്‍ക്ക് അത്ര പിന്തുണയില്ലായിരുന്നു, അതേ സമയം ബാറ്റിംഗിനിടെ പറ്റിയ അപകടം റഷീദ് ഖാനിനെ ബൗളിംഗില്‍ നിന്ന് വിട്ട് നില്‍ക്കുവാന്‍ പ്രേരിപ്പിച്ചതും ടീമിനു തിരിച്ചടിയായി എന്ന് നൈബ് പറഞ്ഞു. ഫീല്‍ഡിംഗിലും തന്റെ ടീം മോശമായിരുന്നുവെന്നും. ഈ പ്രകടനത്തില്‍ നിന്ന് വളരെയേറെ ടീം മുന്നോട്ട് പോകേണ്ടതുണ്ടെന്നും നൈബ് പറഞ്ഞു.
