ഈ ലോകകപ്പില്‍ ബംഗ്ലാദേശ് മികച്ച പ്രകടനമാണ് പുറത്തെടുത്തതെന്നും ഷാക്കിബും മുഷ്ഫിക്കുറും ബാറ്റിംഗില്‍ തിളങ്ങിയെങ്കിലും അല്പം ഭാഗ്യം കൂടി തുണച്ചിരുന്നുവെങ്കില്‍ സെമി ഫൈനലിലേക്ക് ടീം കടന്നേനെയെന്നും ബംഗ്ലാദേശ് നായകന്‍ മഷ്റഫെ മൊര്‍തസ പറഞ്ഞു. ഇന്ത്യയ്ക്കെതിരെ വിജയം അനിവാര്യമായ മത്സരമായിരുന്നു പക്ഷേ ടീമിന് സാധിച്ചില്ല, എന്നാല്‍ അവിസ്മരണീയമായ പ്രകടനമാണ് മുസ്തഫിസുര്‍ റഹ്മാന്‍ നടത്തിയതെന്നും മൊര്‍തസ പറഞ്ഞു.
അവസാന മത്സരത്തില്‍ മികച്ച കളി പുറത്തെടുക്കുവാന്‍ ശ്രമിക്കുമെന്നും ടൂര്‍ണ്ണമെന്റ് വിജയിച്ച് അവസാനിപ്പിക്കുവാനാണ് തങ്ങള്‍ ആഗ്രഹിക്കുന്നതെന്നും ബംഗ്ലാദേശ് നായകന്‍ പറഞ്ഞു. പാക്കിസ്ഥാനെ പരാജയപ്പെടുത്തുവാന്‍ ശ്രമിക്കുക തന്നെയാവും ബംഗ്ലാദേശിന്റെ ലക്ഷ്യമെന്നും ടൂര്‍ണ്ണമെന്റ് വിജയിപ്പിച്ച് അവസാനിപ്പിക്കുവാന്‍ ടീം ശ്രമിക്കുമെന്നും മഷ്റഫെ മൊര്‍തസ പറഞ്ഞു.
