താന്‍ അതിവേഗത്തിലാണ് പന്തെറിയുന്നതെന്ന് അഭിപ്രായപ്പെട്ട് ആന്‍ഡ്രേ റസ്സല്‍. പാക്കിസ്ഥാനെതിരെ ആദ്യ മത്സരത്തില്‍ റസ്സലിന്റെ ബൗണ്‍സറുകളെ അതിജീവിക്കുവാന്‍ ടീമിലെ ബാറ്റ്സ്മാന്മാര്‍ക്ക് സാധിച്ചില്ല. 2015 ലോകകപ്പിനു ശേഷം വെറും രണ്ട് ഏകദിനത്തില്‍ മാത്രം കളിച്ച താരം എന്നാല്‍ ലോകകപ്പിലെ വിന്‍ഡീസിന്റെ ആദ്യ മത്സരത്തില്‍ മൂന്നോവര്‍ എറിയുന്നതിനിടെ തന്നെ വന്‍ പ്രഭാവമാണ് ഉണ്ടാക്കിയത്.
മത്സരത്തില്‍ പാക്കിസ്ഥാന്‍ 105 റണ്‍സിനു പുറത്തായതോടെ റസ്സലിനു വെറും മൂന്നോവര്‍ മാത്രമാണ് എറിയുവാനായത്. വെറും നാല് റണ്‍സ് മാത്രം വിട്ട് നല്‍കിയ താരം രണ്ട് സുപ്രധാന വിക്കറ്റുകളും നേടിയിരുന്നു. താന്‍ അതി വേഗത്തിലാണ് പന്തെറിയുന്നതെന്നാണ് താരം മത്സരം ശേഷം പറഞ്ഞത്. പാക്കിസ്ഥാന്‍ ഷോര്‍ട്ട് ബോളുകള്‍ കളിയ്ക്കുവാന്‍ പിന്നിലായതിനാല്‍ നിരന്തരം ഷോര്‍ട്ട് ബോളുകള്‍ എറിഞ്ഞാണ് പാക്കിസ്ഥാനെ റസ്സല്‍ വെള്ളം കുടിപ്പിച്ചത്.
