രണ്ട് പന്ത് ശേഷിക്കെ 4 വിക്കറ്റ് വിജയം നേടി വിന്ഡീസ്. ഷായി ഹോപ് പുറത്താകാതെ നേടിയ ശതകത്തിന്റെ ബലത്തിലാണ് വിന്ഡീസിന്റെ വിജയം. 146 റണ്സുമായി പുറത്താകാതെ നിന്ന ഹോപിു പിന്തുണയായി കീമോ പോള് 18 റണ്സ് നേടി വിജയ സമയത്ത് ക്രീസില് നിന്നു. ഡാരെന് ബ്രാവോ(27), മര്ലന് സാമുവല്സ്(26) എന്നിവരും നിര്ണ്ണായകമായ പ്രകടനങ്ങള് പുറത്തെടുത്തു.
ബംഗ്ലാദേശിനു വേണ്ടി രണ്ട് വീതം വിക്കറ്റുമായി മുസ്തഫിസുര് റഹ്മാനും റൂബല് ഹൊസൈനും തിളങ്ങിയെങ്കിലും ടീമിനെ വിജയത്തിേലേക്ക് നയിക്കാനായില്ല. പരമ്പരയില് ഇരു ടീമുകളും 1-1നു ഒപ്പമാണ്. അവസാന അഞ്ചോവറില് 38 റണ്സായിരുന്നു ബംഗ്ലാദേശ് ജയിക്കുവാന് നേടേണ്ടിയിരുന്നത്. എന്നാല് ആ ഘട്ടത്തില് വിക്കറ്റ് വീഴുത്തുവാന് ബംഗ്ലാദേശിനു കഴിയാതെ പോയത് ടീമിനു തിരിച്ചടിയായി.